• 1. ທີ່ຕັ້ງ
  • ໂຮງຮຽນເຕັກນິກ-ວິຊາຊີບແບບປະສົມ: ຕັ້ງຢູ່ຖະໜົນເລກ 7 ທີ່ບ້ານລີ່ ເມືອງແປກ ແຂວງຊຽງຂວາງ, ຫ່າງຈາກໃຈກາງໂພນສະຫັວນ 4Km (ໂທລະສັບ/ແຟກ: 061 21329)
  • ສະຖານທີ່ແຫ່ງນີ້ເບື້ອງຕົ້ນເປັນແຄມຂອງກຳມະກອນຈີນ ສຳລັບກໍ່ສ້າງທາງເລກ 7. ໂຮງຮຽນວິຊາ​ຊີບ​ແບບ​ປະສົມ​ໄດ້​ສ້າງ​ຕັ້ງ​ຂຶ້ນ​ ຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງສຶກສາທິການ ສະບັບ​ເລກ​ທີ 838/ສສ.ອສ.02. ລົງ​ວັນ​ທີ 5 ມິຖຸນາ
  • ໄດ້ເປີດ​ການຮຽນ-ການສອນຢ່າງເປັນ​ທາງ​ການ ເມື່ອວັນ​ທີ 4 ພະຈິກ 2004
  • ​ໃນ​ວັນ​ທີ 7 ກໍລະກົດ 2009 ​ໄດ້​ປຽ່ນຊື່​ມາ​ເປັນ ​ໂຮງຮຽນ​ເຕັກນິກ​-ວິຊາ​ຊີບ​ແບບ​ປະສົມ ຈົນ​ເຖິງ​ປະຈຸ​ບັນ. ໂດຍໄດ້ຮັບການຊ່ວຍເຫຼືອຈາກທະນາຄານພັດທະນາເຢຍລະມັນ ( KFW )
  •    ມາຮອດວັນທີ່ 28/1/2008 ເລີ່ມລົງມືກໍ່ສ້າງ ຊຶ່ງມີອາຄານທັງໝົດ18 ຫຼັງ, ມີລະບົບເສັ້ນທາງ, ລະບົບໄຟຟ້າ ແລະ ລະບົບນ້ຳໃຊ້ຄົບຊຸດ     ໂດຍມີມູນຄ່າ 1,473,776$. ນອກຈາກນັ້ນ, ຍັງໄດ້ສະໜອງອຸປະກອນ, ເຄື່ອງຈັກ-ເຄື່ອງມື, ພາຫານະຄິດເປັນມູນຄ່າມູນຄ່າ 614,000 $.  ລວມມູນຄ່າທີ່ KFW ຊ່ວຍເຫຼືອທັງໝົດ: 2,087,776 $
  •  ລັດຖະບານປະກອບສ່ວນ
  •     ຫ້ອງທົດລອງ, ກຳແພງ, ໄຟຟ້າ, ນ້ຳປະປາ ແລະ ເຟີນີເຈີ ມູນຄ່າ2 ຕື້ກວ່າກີບ
  •     ເປີດນຳໃຊ້​ເປັນ​ທາງ​ການ ວັນທີ 17/1/2010.
  •  ດ້ານອາຄານສະຖານທີ່
  • ເນື້ອທີ່ຂອງໂຮງຮຽນທັງໝົດປະມານ 4 ​ເຮັກຕາ
  • ຈໍານວນອາຄານທັງໝົດ: 28 ຫຼັງ, ​ໃນ​ນັ້ນ​ມີອາຄານຮຽນຖາວອນ 3 ຫລັງ, ອາຄານຮຽນ​ເຄິ່ງຖາວອນ 2 ຫລັງ,ໂຮງຊ່າງ 7 ຫຼັງ, ອາຄານຫໍພັກ 3 ຫລັງ, ຫໍອາຫານ 1 ຫຼັງ, ອາຄານເຝິກການໂຮງແຮມ 1 ຫຼັງ, ອາຄານຫ້ອງວິໄຈພະຍາດສັດ 1 ຫຼັງ, ອາຄານ​ຫ້ອງ​ນໍ້າ 3 ຫຼັງ, ປ້ອມ​ຍາມ 1 ຫຼັງ, ​ເຮືອນ​ຈອດ​ລົດ​ນັດ​ຮຽນ 2 ຫຼັງ, ​ເຮືອນຄົວ​ນັກຮຽນ 2 ຫຼັງ, ​ເຮືອນ​ປູກ​ຫັດ 1 ຫຼັງ ​ແລະ ​ເຮືອນ​ລ້ຽງສັດ 1 ຫຼັງ. ນອກນັ້ນຍັງມີເນື້ອທີ່ສໍາລັບລ້ຽງສັດ7 ​ເຮັກຕາ ຕັ້ງຢູ່ບ້ານຍວນ, ເມືອງແປກ, ແຂວງຊຽງຂວາງ (ຫ່າງຈາກທີ່ນີ້ ປະມານ 6 ກິໂລແມັດ)