1. ຜູ້ທີ່ຮຽນຈົບສາຂາອາຊີບນີ້ ສາມາດ ປະກອບກິດຈະການ ຂອງຕົນເອງໄດ້ ແລະ ສາມາດສະມັກ ເປັນພະນັກງານ

ວິຊາຮຽນທີ່ກ່ຽວຂ້ອງ:

• ຫຼັກສູດວິຊາ​ຊີບ​ຊັ້ນຕົ້ນລະດັບໜຶ່ງ ​ແມ່ນຫຼັກສູດວິຊາ​ຊີບຂັ້ນພື້ນຖານ ປະກອບມີວິຊາຮຽນຄື: ການແຕ່ງອາຫານລາວ ເຊັ່ນ ເຮັດລາບປາຕອງ, ເຮັດກ້ອຍ, ເຮັດເອາະ, ເຮັດແກງໜໍ່ໄມ້... ການເຮັດເຂົ້າໜົມ ເຊັ່ນ ເຮັດເຂົ້າໜົມຕະໂກ້, ເຂົ້າໜົມສັງຂະຫຍາ ແລະ ອື່ນໆ...;
• ຫຼັກສູດວິຊາ​ຊີບ​ຊັ້ນຕົ້ນ ລະດັບ​ສອງ ແມ່ນຫຼັກສູດ​ວິຊາ​ຊີບເຄິ່ງຊຳນານ​ງານ ປະກອບມີວິຊາຮຽນຄື: ການຮັກສາຄວາມສະອາດໂພສະນາການ, ປຸງແຕ່ງອາຫານລາວ ເຊັ່ນ ເຮັດຍຳສະລັດລາວ, ຜັດເຜັດ, ໝົກປາ..., ປຸງແຕ່ງອາຫານສາກົນ ເຊັ່ນ ເຮັດສະເຕັກ, ແຊນວິດ, ຊູຊິ... ປຸງແຕ່ງປະເພດຂອງຫວານ ເຊັ່ນ ເຮັດນໍ້າຫວານບົວລອຍ, ວຸ້ນກະທິ, ເຂົາໜົມໜ້າແຕກ ແລະ ແກະສະລັກໝາກໄມ້ ເຊັ່ນ ລາຍໃບໄມ້, ລາຍດອກຄ່າ, ລາຍດອກກຸຫຼາບ ແລະ ອື່ນໆ...;
• ຫຼັກສູດວິຊາ​ຊີບຊັ້ນຕົ້ນລະດັບ​ສາມ ແມ່ນ ຫຼັກສູດ​ວິຊາ​ຊີບ ຊຳນານ​ງານ (ກໍາລັງຢູ່ໃນການພັດທະນາຫຼັດສູດ)
• ຫຼັກສູດວິຊາ​ຊີບ​ຊັ້ນກາງ ລະດັບ​ສີ່ ​ປະກອບ​ດ້ວຍວິຊາຮຽນຄື: ທັກສະທຸລະກິດໃນໂຮງແຮມ, ຄວາມຮູ້ກ່ຽວກັບທຸລະກິດພື້ນຖານ, ທັກສະແບບມືອາຊີບ, ແກ້ໄຂບັນຫາ, ບໍລິການລູກຄ້າ, ພື້ນຖານກ່ຽວກັບການທ່ອງທ່ຽວ, ພາສາອັງກິດການໂຮງແຮມ ແລະ ທ່ອງທ່ຽວ, ບົດບາດຍິງ-ຊາຍ, ປຸງແຕ່ງອາຫານລາວ, ປຸງແຕ່ງອາຫານສາກົນ ,ປຸງແຕ່ງປະເພດຂອງຫວານ, ບໍລິການອາຫານ-ເຄື່ອງດຶ່ມ ເຊັ່ນ ນໍ້າປັ່ນໝາກໄມ້ ແລະ ອື່ນໆ...,
• ຫຼັກສູດວິຊາ​ຊີບ​ຊັ້ນສູງ ລະດັບຫ້າ ປະກອບ​ດ້ວຍວິຊາຮຽນຄື: ການປຸງແຕ່ງອາຫານລາວ, ປຸງແຕ່ງອາຫານສາກົນ, ປຸງແຕ່ງປະເພດຂອງຫວານ, ປຸງແຕ່ງເຄື່ອງດຶ່ມ, ການບໍລິ ການອາຫານ-ເຄື່ອງດຶ່ມ ແລະ ແກະສະລັກ ອື່ນໆ...