ໂຮງຮຽນເຕັກນິກ-ວິຊາຊີບແບບປະສົມ ແຂວງຊຽງຂວາງ ໄດ້ຮັບເຄື່ອງວິໄຈຈາກລຸກຊໍາບວກ ແລະ ອຸປະກອນກິລາ ຈາກ ສກຂ

Rate this item
(0 votes)

ໃນຕອນບ່າຍຂອງວັນທີ 2 ສິງຫາ ຜ່ານມາ ຢູ່ທີ່ສະຖາບັນປັດສະເຕີລາວ ປະຈຳນະຄອນຫຼວງວຽງຈັນ ໄດ້ມີການມອບ-ຮັບ ກ້ອງຈຸລະທັດໃໝ່ໃຫ້ແກ່ໂຮງຮຽນເຕັກນິກ-ວິຊາຊີບແບບປະສົມແຂວງຊຽງ​ຂວາງ ໂດຍໃຫ້ກຽດກ່າວມອບຂອງທ່ານ ແອນໂຕນີ ແບັຣກ ຫົວໜ້າຫ້ອງວິເຄາະ ລາວ-ລຸກຊຳບວກ ​ແລະ ກ່າວຮັບໂດຍທ່ານ ພົມມີ ອຸດົມພອນ ພະນັກງານວິຊາການຫ້ອງວິໄຈພະຍາດສັດໂຮງຮຽນເຕັກນິກ-ວິຊາຊີບ, ມີພະນັກງານຈາກສະຖາບັນປັດສະເຕີລາວ ແລະ ຄູ-ອາຈານຕາງໜ້າຈາກໂຮງຮຽນເຕັກນິກ-ວິຊາຊີບ​ແຂວງເຂົ້າຮ່ວມ.

ເຄື່ອງທີ່ນຳມາມອບໃຫ້​ແກ່ໂຮງຮຽນຄັ້ງນີ້ມີ: ກ້ອງຈຸລະທັດ ຍີ່ຫໍ້ ໂອລິມພາດສ OLYMPUS  ມູນຄ່າ 5,500 USD (ຫ້າພັນຫ້າຮ້ອຍໂດລາສະຫະລັດ) ຈຳນວນ 2 ເຄື່ອງ, ພາຍຫຼັງມີການມອບຮັບຢ່າງເປັນທາງການແລ້ວ ຊ່ຽວຊານປະຈຳສະຖາບັນປັດສະເຕີລາວກໍ່ຍັງໄດ້ໃຫ້ການແນະນຳວິທີການປະ ກອບນຳໃຊ້ ແລະ ການບຳລຸງຮັກສາເຄື່ອງ, ເພື່ອ​ໃຫ້ການນຳໃຊ້ຖືກຕ້ອງຕາມຫຼັກການ ສາມາດນໍາໃຊ້ໄດ້ຍາວນານ, ເຊິ່ງເຄື່ອງດັ່ງກ່າວແມ່ນມີຄວາມຈໍາເປັນ ແລະ ສໍາຄັນຫຼາຍຕໍ່​ວິຊາ​ສະ​ເພາະ, ເພາະອານາຄົດອັນ​ໃກ້​ນີ້ໂຮງຮຽນມີແຜນທີ່ຈະເປີດການສອນສາຂາວິຊາ ສັດຕະວະແພດສັດຕື່ມອີກ.

 ຕໍ່​ມາວັນທີ 5 ສິງຫາ 2019 ພະແນກສຶກສາທິການ ແລະ ກິລາ ແຂວງຊຽງ​ຂວາງ ກໍ່ໄດ້ນໍາ​ເອົາອຸປະກອນກິລາຈໍານວນ​ໜຶ່ງມອບໃຫ້ແກ່ໂຮງຮຽນ​ເຕັກນິກ-ວິຊາ​ຊີບ​ແຂວງເຊິ່ງປະກອບມີ: ສາຍເຊືອກດຶງ 1 ຊຸດ, ໂມງຈັບເວລາ 1 ອັນ, ຕາໜ່າງບານສົ່ງ 1 ດາງ ແລະ ໂທລະໂຄ່ງແບບພົກພາ 1 ເຄື່ອງ ໂດຍເປັນກຽດກ່າວມອບຂອງທ່ານ ວຽງໄຊ ບຸນພາມາລາ ຮອງຫົວໜ້າຫ້ອງການບໍລິຫານ ພະແນກສຶກສາທິການ ແລະ ກິລາ ແຂວງ ກ່າວຮັບໂດຍ ທ່ານ ບຸນຄົງ ດວງພະວັນ ອໍານວຍການໂຮງຮຽນພ້ອມດ້ວຍຄູ-ອາຈານເຂົ້າຮ່ວມ​ເປັນ​ສັກຂີ​ພິຍານ, ເຄື່ອງທີ່ໄດ້ຮັບ​ຄັ້ງນີ້ແມ່ນຈະຖືກນຳໃຊ້ເຂົ້າ​ໃນກິດຈະກຳການຮຽນ-ການສອນຂອງໂຮງຮຽນຕາມ​ສະພາບ​ຄວາມ​ເປັນ​ຈິງ.

Login to post comments

ຄົ້ນຫາ

ປະຕິທິນ

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30