ໂຮງຮຽນເຕັກນິກ-ວິຊາຊີບ ແບບປະສົມແຂວງ ກັບ ສະຖານປະກອບການພາກເອກະຊົນ ຈັດພິທີເຊັນບົດບັນທຶກການປະຕິບັດກິດຈະກໍາຮ່ວມກັນ.

02 February 2020 Written by ການເຄື່ອນໄຫວ-ກິລາ 1006
Rate this item
(0 votes)

ພິທີເຊັນບົດບັນທຶກການປະຕິບັດກິດຈະກໍາຮ່ວມ​ກັນ ລະຫວ່າງ​ ໂຮງຮຽນ​ເຕັກນິກ-ວິຊາ​ຊີບ​ແບບ​ປະສົມ​ແຂວງ​ຊຽງ​ຂຂວາງ ກັບ ສະຖານປະກອບການພາກເອກະຊົນ ທາງດ້ານໂຮງແຮມ ແລະ ຮ້ານອາຫານ ຈັດ​ຂຶ້ນ​ໃນຕອນແລງວັນທີ 28 ມັງກອນ 2020 ຜ່ານມານີ້  ທີ່ໂຮງຮຽນເຕັກນິກ-ວິຊາຊີບແບບປະສົມ ແຂວງຊຽງຂວາງ, ໂດຍການເປັນກຽດເຂົ້າຮ່ວມຂອງທ່ານ ບຸນຄົງ ລັດຕະນະວິໄລ ຮອງຫົວໜ້າພະແນກສຶກສາທິການ ແລະ ກິລາແຂວງເຂົ້າຮ່ວມ. ຝ່າຍໂຮງຮຽນໃຫ້ກຽດໂດຍ ທ່ານ ບຸນຄົງ ດວງພະວັນ ອໍານວຍການໂຮງຮຽນ ຝ່າຍ ຜູ່ບໍລິຫານໂຮງແຮມ, ຮ້ານອາຫານພາຍໃນເມືອງແປກ ແລະ ເມືອງຄໍາ ພ້ອມ​ດ້ວຍພາກສ່ວນ​ທີ່​ກ່ຽວຂ້ອງເຂົ້າຮ່ວມ.

ໃນພິທີທ່ານ ສຸພັດ ຄ່າຍຄຳ ຄະນະອຳນວຍການໂຮງຮຽນໄດ້ໃຫ້ກຽດຂຶ້ນກ່າວຈຸດປະສົງ ແລະ ຕ້ອນຮັບແຂກພ້ອມທັງຜ່ານເນື້ອໃນບົດບັນທຶກຄວາມເຂົ້າໃຈເຊິ່ງບົດດັ່ງກ່າວປະກອບມີ ການແລກປ່ຽນຄູ-ນັກຮຽນນຳກັນທາງດ້ານອາຫານ ແລະ ການໂຮງແຮມ, ພ້ອມກັນຈັດຕັ້ງການຝຶກອົບຮົມໄລຍະສັ້ນໃນສອງຫົວຂໍ້, ພັດທະນາຫຼັກສູດ, ສື່ການຮຽນ-ການສອນພ້ອມທັງສ້າງເງື່ອນໄຂເພື່ອອໍານວຍຄວາມສະດວກໃນການສະໜອງຊັບພະຍາກອນທີ່ຈໍາເປັນພາຍໃຕ້ຂອບເຂດທີ່ກໍານົດໃວ້ໃນກົດໝາຍ ເພື່ອເຮັດໃຫ້ການຈັດຕັ້ງປະຕິບັດໂຄງການຮ່ວມມືດັ່ງກ່າວປະສົບຜົນສໍາເລັດ, ການເຊັນບົດບັນທຶກການ​ຮ່ວມມື​ຄວາມ​ເຂົ້າ​ໃຈຂອງ​ສອງ​ຝ່າຍ​ຄັ້ງ​ນີ້ ​ເປັນ​ການ​ຢັ້ງຢືນ​ເຖິງສາຍ​ພົວພັນຄວາມ​ສາມັກຄີອັນ​ແໜ້ນ​ແຟ້ນ​ຂອງ​ໂຮງຮຽນກັບ​ສະ​ຖານປະກອບການພາກເອກະຊົນ​, ​ເປັນ​ການ​ປະກອບສ່ວນພັດທະນາວຽກ​ງານທາງ​ດ້ານວິຊາການ ​ແລະ ທາງ​ດ້ານບຸກຄະລາກອນ ​ໃຫ້​ແກ່​ໂຮງຮຽນ​ໃນການສ້າງສີມືແຮງານ​ໃຫ້​ມີ​ຄວາມ​ເຂັ້ມ​ແຂງ ​ແລະ ກ້າວ​ໄປ​ສູ່​ຄຸນ​ນະພາ​ບ.

 ຫຼັງຈາກນັ້ນບັນດາແຂກທີ່ເຂົ້າຮ່ວມພິທີຍັງໃດ້ປະກອບຄຳຄິດເຫັນຕໍ່ບົດບັນທຶກສັນຍາດັ່ງກ່າວຢ່າງກົງໄປກົງມາ ເພື່ອເຮັດໃຫ້ບົດບັນທຶກດັ່ງກ່າວມີຄວາມໝາຍຄວາມສຳຄັນ ແລະ ເນື້ອໃນຈະແຈ້ງຄົບຖ້ວນຂື້ນຕື່ມພິທີດັ່ງກ່າວໃດ້ດຳເນີນໄປເປັນເວລາ 1 ຕອນຈິງສໍາເລັດລົງ.

Login to post comments

ຄົ້ນຫາ

ປະຕິທິນ

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30