ພະແນກແຮງງານ ແລະ ສະຫວັດດີການສັງຄົມ ຮ່ວມກັບ ໂຮງຮຽນເຕັກນິກ-ວິຊາຊີບ ຈັດພິທີປິດຊຸດອົບຮົມໄລຍະສັ້ນ ຊ່າງຕິດຕັ້ງໄຟຟ້າໃນອາຄານ.

28 October 2020 Written by ຂ່າວສານ 319
Rate this item
(0 votes)

 

ການ​ປິດ​ຊຸດ​ອົບຮົມ​ໄລຍະ​ສັ້ນ ກ່ຽວ​ກັບ​ຊ່າງຕິດຕັ້ງໄຟຟ້າໃນອາຄານ​ ​ເຊິ່ງຈັດ​ໂດຍ ພະ​ແນ​ກ​ແຮ​ງງານ ​ແລະ ສະຫວັດດີ​ການ​ສັງຄົມ​ແຂວງ​ຊຽງ​ຂວາງ ມີ​ຂຶ້ນ​ໃນຕອນບ່າຍຂອງວັນທີ 17 ກໍລະກົດ  ທີ່ໂຮງຮຽນເຕັກນິກ-ວິຊາຊີບແບບປະສົມ ແຂວງຊຽງຂວາງ ໃຫ້ກຽດເປັນປະທານກ່າວ​ປິດໂດຍ ທ່ານ ວິລະພົງ ກຸທາວົງໄຊ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມ​ແຂວງ ຜູ່ຊີ້ນໍາວຽກງານພັດທະນາສີມືແຮງງານ ແລະ ຈັດຫາງານ,ໃຫ້ກຽດເຂົ້າຮ່ວມໂດຍ ທ່ານ ບຸນຄົງ ດວງພະວັນ ອຳນວຍການໂຮງຮຽນ, ມີວິທະຍາກອນຄູສອນຈາກສາຂາໄຟຟ້າ-ເຕັກນິກ ໂຮງຮຽນເຕັກນິກ-ວິຊາຊີບແບບປະສົມ​ແຂວງ ​ແລະ ສໍາມະນາກອນຈາກ 7 ເມືອງ​​ເປົ້າ​ໝາຍໂດຍສະເພາະແມ່ນໄວໜຸ່ມ, ຊາວໜຸ່ມຜູ່ທີ່ດ້ອຍໂອກາດ ແລະ ຫວ່າງງານເຂົ້າຮ່ວມ 27 ກວ່າຄົນ.

​ການຝຶກອົບຮົມຄັ້ງນີ້ແມ່ນໄດ້ຮັບທຶນສະໜັບສະໜູນຈາກກະຊວງແຮງງານ ​ແລະ ສະຫວັດດີການສັງຄົມ ຜ່ານ​ຈາ​ກການ​ຝຶກ​ອົບຮົມໄດ້​ສົ່ງ​ຜົນ​ດີ​ໃຫ້​ແກ່​ສໍາ​ມະ​ນາກ​ອນ​ເຂົ້າ​ຮ່ວມ ​ເພາະ​ເຂົາ​ເຈົ້າໄດ້ຮຽນຮູ້ ​ແລະ ​ເຂົ້​າໃຈກ່ຽວກັບເຕັກນິກຂັ້ນຕອນ ວິທີການທີ່ຖືກຕ້ອງກ່ຽວກັບການເດີນສາຍ, ຕີກີບ, ການປະກອບກະດານໄຟ, ການຕໍ່ສາຍໄຟ ແລະ ການກວດສອບໄຟຟ້າ.ຜ່ານການຝຶກອົບຮົມເຫັນວ່ານັກສໍາມະນາກອນແມ່ນມີຄວາມຮູ້ເຂົ້າໃຈໄດ້ຫຼາຍເຊິ່ງສະແດງອອກປະເພດດີຫຼາຍ 6 ຄົນ, ດີ 17ຄົນ ແລະ ພໍໃຊ້ໄດ້ 4 ຄົນ. ຫຼັງຈາກສຳເລັດການຝຶກອົບຮົມແລ້ວ ຜູ່ເຂົ້າຮ່ວມແມ່ນຈະສາມາດນຳເອົາຄວາມຮູ້ທີ່ຝຶກມາ​ໄປຈັດຕັ້ງຜັນຂະຫຍາຍຢູ່ຕາມທ້ອງຖິ່ນຂອງ​ໃຜລາວ ພ້ອມທັງຫາລາຍໄດ້ໃຫ້ກັບຕົນເອງກໍ່ຄືຄອບຄົວ​ໄດ້ອີກ. ຈາກນັ້ນ ທ່ານ ວິລະພົງ ກຸທາວົງໄຊ ປະທານກອງປະຊຸມ ກໍ່ໄດ້ໃຫ້ກຽດຂຶ້ນມອບໃບຢັ້ງຢືນໃຫ້ນັກສໍາມະນາກອນທັງໝົດໂອກາດ​ນີ້ ທ່ານ ບຸນຄົງ ດວງພະວັນກໍ່ໄດ້ຂຶ້ນມີຄຳຄິດເຫັນຕໍ່ພິທີເຊິ່ງທ່ານໄດ້ເນັ້ນໃຫ້ນັກສໍາມະນາກອນທຸກຄົນຈົ່ງພ້ອມກັນນໍາເອົາບົດຮຽນທີ່ຮຽນມາໄປໝູນໃຊ້ໄນຊີວິດປະຈໍາວັນໃຫ້ເກີດປະໂຫຍດສູງສຸດ.

ຕອນທ້າຍພິທີ ທ່ານ ວິລະພົງ ກຸທາວົງໄຊ ປະທານກອງປະຊຸມ ໄດ້ກ່າວສະແດງຄວາມຂອບ​ໃຈມາຍັງຄູ​ຝຶກ​ຈາກ​ໂຮງຮຽນ​ເຕັກນິກ-ວິຊາ​ຊີບ ​ທີ​ໄດ້​ເອົາ​ໃຈ​ໃສ່​ໃຫ້ການ​ຮ່ວມ​ມື​ໃນ​ການ​ສິດສອນ, ສົ່ງ​ຄວາມ​ຮູ້​ໃຫ້​ແກ່​ສຳມະນາກອນຢ່າງ​ເຕັມ​ເມັດ​ເຕັມ​ໜ່ວຍ, ຂອບ​ໃຈ​ມາ​ຍັງ​ສໍາ​ມະ​ນາກ​ອນທຸກ​ຄົນທີ່ໄດ້ພ້ອມ​ກັນຕັ້ງ​ອົກ​ຕັ້ງ​ໃຈເຂົ້າຮ່ວມອົບຮົມແຕ່ຕົ້ນຈົນຈົບ, ​ເຊື່ອ​ໝັ້ນ​ວ່າທຸກຄົນຈະນຳເອົາຄວາມຮູ້ທີ່ໄດ້ຮຽນມາ ໄປຈັດຕັ້ງປະຕິບັດໃຫ້ເກີດດອກ​ອອກ​ຜົນ.

ການຝຶກອົບຮົມໃຊ້ເວລາທັງ​ໝົດ 5 ວັນ ເລີ່ມແຕ່ວັນທີ 13 ກໍລະກົດ ຈົນຮອດວັນທີ 17 ກໍລະກົດ 2020 ຈິ່ງສໍາເລັດ.

Login to post comments

ຄົ້ນຫາ

ປະຕິທິນ

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31