ພິທີເປີດຊຸດອົບຮົມ ການປູກ ແລະ ຜະລິດເຊື້ອເຫັດນາງລົມ-ນາງຟ້າ

26 January 2021 Written by ຂ່າວສານ 609
Rate this item
(0 votes)

ພິທີດັ່ງກ່າວຈັດຂື້ນໄນຕອນເຊົ້າຂອງວັນທີ 25 ມັງກອນ 2021 ທີ່ ວິທະຍາໄລເຕັກນິກ-ວິຊາຊີບແບບປະສົມ ແຂວງຊຽງຂວາງ ໂດຍການເປັນປະທານຂອງ ທ່ານ ຄໍາສຸກ ບຸນແກ້ວມະນີໄຊ ຫົວໜ້າຫ້ອງການແຮງງານສະຫວັດດີການສັງຄົມ ເມືອງແປກ ໃຫ້ກຽດເຂົ້າຮ່ວມຂອງ ທ່ານ ສຸພັດ ຄ່າຍຄໍາ ຄະນະອໍານວຍການວິທະຍາໄລ ມີວິທະຍາກອນ ຈາກວິທະຍາໄເຕັກນິກ-ວິຊາຊີບແບບປະສົມ ພ້ອມດ້ວຍສໍາມະນາກອນຈາກກຸ່ມຍອດງືມຈໍານວນ 10 ຄົນເຂົ້າຮ່ວມ.

ພິທີທ່ານ ຄໍາສຸກ ບຸນແກ້ວມະນີໄຊ ຫົວໜ້າຫ້ອງການ ແຮງງານສະຫວັດດີການສັງຄົມ ເມືອງແປກໄດ້ຂື້ນມີຄໍາຄິດເຫັນ ແລະ ກ່າວເປີດພິທີຢ່າງເປັນທາງການເຊິ່ງກ່ອນອື່ນ ທ່ານ ໄດ້ສະແດງຄວາມຊົມເຊີຍຕໍ່ໂຄງການທີ່ເຫັນໄດ້ຄວາມສໍາຄັນໃນການຝຶກອາຊີບໃຫ້ແກ່ປະຊາຊົນ ນອນນັ້ນທ່ານຍັງໄດ້ຮຽກຮ້ອງມາຍັງວິທະຍາກອນ ພ້ອມດ້ວຍສໍາມະນາກອນທຸກຄົນຈົ່ງພ້ອມກັນເອົາໃຈໃສ່ຕັ້ງໜ້າຕໍ່ການຝຶກອບົຮົມຄັ້ງນີ້ເຮັດແນວໃດເພື່ອໃຫ້ໄດ້ຮັບຜົນທີ່ດີ ການຝຶກອົບຮົມຄັ້ງນີ້ໂດຍໄດ້ຮັບທຶນສະໜັບສະໜູນງົບປະມານທັງໝົດຈາກກະຊວງການຕ່າງປະເທດຍີ່ປຸ່ນພາຍໃຕ້ ໂຄງການ ເທີລ່າ Terra ປະເທດຍີ່ປຸ່ນ ປະຈໍາແຂວງຊຽງຂວາງ ການຝຶກນີ້ນັກສໍາມະນາກອນຈະໄດ້ຮຽນຮູ້ກ່ຽວກັບ ຂັ້ນຕອນ, ເຕັກນິກການປູກ ແລະ ຜະລິດເຊື້ອເຫັດນາງລົມ-ນາງຟ້າເຊັ່ນ: ການກະກຽມອຸປະກອນການປູກ, ການຟັກ ແລະ ໝັກເຟືອງ, ການບົ່ມຂີ້ເລື່ອຍ, ການຮ່າຍ-ຍັດເບົ້າເຫັດ, ການໜຶ້ງຂ້າເຊື້ອ, ການໃສ່ເຊື້ອເຫັດ, ການຂະຫຍາຍເຊື້ອໃສ່ໃນເມັດເຂົ້າ, ການຕິດຕາມດູແລຮັກສາ ຈົນຮອດການເປີດດອກເຫັດ ສໍາລັບການຝຶກອົບຮົມຄັ້ງນີ້ແມ່ນໃຊເວລາ 24 ວັນເຊິ່ງຈະດໍາເນີນໄປຈົນຮອດວັນທີ 25 ກຸມພາ ຈິ່ງຈະສໍາເລັດ.

Login to post comments

ຄົ້ນຫາ

ປະຕິທິນ

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31