ພິີປະກາດຍົກລະດັບ ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງຂື້ນ ເປັນວິທະຍາໄລເຕັກນິກ-ວິຊາຊີບແບບປະສົມແຂວງຊຽງຂວາງ

13 April 2021 Written by ຂ່າວສານ 552
Rate this item
(0 votes)

ໃນວັນທີ່ 02 ເມສາ 2021 ນີ້ໄດ້ມີພິີປະກາດຍົກລະດັບ ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງຂື້ນ ເປັນວິທະຍາໄລເຕັກນິກ-ວິຊາຊີບແບບປະສົມແຂວງຊຽງຂວາງຂື້ນ  ທີ່ວິທະຍາໄລເຕັກນິກ-ວິຊາຊີບແບບປະສົມ ຢູ່ທີ່ບ້ານລີ່ເມືອງແປກ ແຂວງຊຽງຊວາງ ເຂົ້ານຮ່ວມພິທີໃນຄັ້ງນີ້ ມີ ທ່ານ ພຸດ ສີມມາລາວົງ ລັດທະມົນຕີກະຊວງສຶກສາທິການ ແລະ ກິລາ, ມີທ່ານ ບຸນຈັນ ສີວົງພັນເຈົ້າແຂວງ ແຂວງຊຽງຂວາງ, ມີຄະນະປະຈໍາພັກແຂວງ, ກຳມະການພັກແຂວງ ມີຜູ້ຕາງໜ້າຈາກຮອງອະທິການບໍດີມະຫາວິທະຍາໄລແຫ່ງຊາດດມີຄະນະອຳນວຍການ, ຄູ-ອາຈານ, ແຂກຖຶເຊີນທັງພາກລັດ-ເອກະຊົນ ຫົວໜ່ວຍທຸລະກິດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມນໍາ

ໃນພິທີ ທ່ານ ອາຈານ ບຸນຄົງ ດວງພະວັນ ຜູ່ອຳນວຍການວິທະຍາໄລເຕັກນິກ-ວິຊາຊີບແບບປະສົມແຂວງຊຽງຂວາງ ໄດ້ຂື້ນຜ່ານ ບົດລາຍງານການເຄື່ອນໄຫວໃນໄລຍະຜ່ານມາຂອງ ໂຮງຮຽນເຕັກນິກ-ວິຊາຊີບແບບປະສົມແຂວງຊຽງຂວາງ ໃຫ້ຮູ້ວ່າ ໂຮງຮຽນໄດ້ເລີ່ມສ້າງຕັ້ງຂື້ນ ຕາມຂໍ້ຕົກລົງ ຂອງລັດຖະມົນຕີກະຊວງສຶກສາທິການ ແລະ ກິລາ ເລກທີ່ 838 ລົງວັນທີ່ 05 ມິຖຸນາ 2002 ໂດຍໄດ້ເປີດການຮຽນ-ການສອນຢ່າງເປັນທາງການໃນວັນທີ່ 04 ພະຈິກ 2004 ໂດຍມີຊື່ວ່າ ໂຮງຮຽນວິຊາຊີບແບບປະສົມແຂວງຊຽງຂວາງ ມາຮອດວັນທີ່ 07 ກໍລະກົດ 2009 ໄດ້ປ່ຽນຊື່ຈາກໂຮງຮຽນວິຊາຊີບແບບປະສົມ ມາເປັນ ໂຮງຮຽນເຕັກນິກວ-ວິຊາຊີບແບບປະສົມແຂວງຊຽງຂວາງ ໃນສົກຮຽນ 2004-2005 ໄດ້ເປິດສອນລະດັບຊັ້ນກາງ ມີ 4 ສາຂາຄື: ສາຂາລ້ຽງສັດການປະມົງ, ປູກຝັງ-ວິໃຈດີນ, ກໍ່ສ້າງເຄຫາສະຖານ, ຊ່າງໄມ້ເຟີນິເຈີ ແລະ ຕັດຫຍີບ ມາຮອດປີ 2020 ສາມາດຍົກລະດັບຂື້ນເປັນ ວິທະຍາໄລເຕັກນິກ-ວິຊາຊີບແບບປະສົມແຂວງຊຽງຂວາງ ຢ່າງເປັນທາງການ ແລະ ມາເຖິງປະຈຸບັນ ວິທະຍາໄລເຕັກນິກ-ວິຊາຊີບແບບປະສົມແຂວງຊຽງ ປະກອບມີ 3ພະແນກ

4 ພາກວິຊາ, ປະກອບມີ 9 ສາຂາອາຊີບຄື: ພະແນກ ປູກຝັງ-ວິໃຈດິນ,ລ້ຽງສັດການປະມົງ,ກໍ່ສ້າງເຄຫາສະຖານ, ຊ່າງໄມ້ເຟີນີເຈີ, ໄຟຟ້າເຕັກນິກ,ສ້ອມແປງລົດຍົນ, ອາຫານ ແລະ ບໍລິການເຄື່ອງດື່ມ,ການບໍລິການໂຮງແຮມ ແລະ ຕັດຫຍິບ ພ້ອມນີ້ພະນັກງານຄູອາຈານຍັງມີແນວຄິດອຸ່ນອ່ຽງທຸ່ນທ່ຽງເຊື້ອໝັ້ນຕໍ່ແນວທາງນະໂຍບາຍຂອງພັກ-ລັດ ຄະນະພັກ, ຄະນະອຳນວຍການຂອງວິທະຍາໄລ ໄດ້ເອົາໃຈໃສ່ຊີ້ນຳວຽກງານແນວຄິດຢ່າງເປັນປົກກະຕິ, ຊີ້ນໍາ-ນຳພາ ທຸກຂົງເຂດວຽກງານໃນ ວິທະຍາໄລ ທຸກການເຄືອນໄຫວຂອງວິທະຍາໄລ ຕ້ອງມີຄວາມປ່ອງໄສ ສ້າງຄວາມເຊື່ອໝັ້ນ ຕໍ່ພະນັກງານ ຄູອາຈານ ຕະລອດຮອດນັກຮຽນ, ມີນໍ້າໃຈຊ່ວຍເຫຼືອເຊິ່ງກັນ ແລະ ກັນ ພ້ອມນີ້ໃນພິທີຍັງໄດ້ມອບໃບຢ້ອງຢໍ້ຂັ້ນຕ່າງໆ ,ຫຼຽນກາ ແລະ ຫຼຽນໄຊແຮງງານໃຫ້ແກ່ບຸກຄົນ, ກົມກອງທີ່ມີຜົນງານດີເດັ່ນ ໃນການເຄື່ອນໄຫວວຽກງານໃນໄລຍະຜ່ານມາຕື່ມອີກ ໃນໂອກາດທ້າຍນີ້ ທ່ານ ພຸດ ສີມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ໄດ້ເນັ້ນໜັກໃຫ້ບັນດາ ຄະນະອຳນວຍການ-ຄູອາຈານພາຍໃນວິທະຍາໄລ ແລະ ພະແນກການທີ່ກ່ຽວຂ້ອງ ຈົ່ງພ້ອມກັນໃຫ້ຄວາມຮ່ວມມື ພັດທະນາສີມືແນງງານ ຖຶເປັນປັນໃຈສໍາຄັນ ໃນຂະບວນການສ້າງຄວາມຮູ້ ໃຫ້ນັກຮຽນ, ນັກສຶກສາ, ສືບຕໍ່ຮັກສາມູນເຊື້ອ ຢົກສູງບົດບາດ ວິທະຍາໄລແຫ່ງນີ້ ໃຫ້ມີຄຸນນະພາບດີຂື້ນ , ໃນຕອນທ້າຍພິທີ ຍັງໄດ້ຕັດແຜ່ນຜ້າ, ລັນຄ້ອງ 9 ບາດ  ແລະ ເປີດປ້າຍຮັບຮອງເປັນວິທະຍາໄລຢ່າງເປັນທາງການ.

ວິທະຍຸ-ໂທລະພາບ

Login to post comments

ຄົ້ນຫາ

ປະຕິທິນ

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31