ງານແລກປ່ຽນປະສົບການວຽກງານອາຊີວະສຶສາ ແລະ ການຝຶກອົບຮົມວິຊາຊີບພາຍໃຕ້ຫົວຂໍ້ ໂອກາດໃນການປະກອບອາຊີບຂອງນັກຮຽນອາຊີວະ

30 May 2022 Written by ຂ່າວສານ 1481
Rate this item
(0 votes)

ວັນທີ່ 26 ພຶດສະພາ 2022 ນີ້ ຢູ່ທີ່ວິທະຍາໄລເຕັກນິກ-ວິຊາຊີບແບບປະສົມແຂວງຊຽງຂວາງໄດ້ມີງານແລກປ່ຽນປະສົບການວຽກງານອາຊີວະສຶກສາ ແລະ ການຝຶກອົບຮົມວິຊາຊີບພາຍໃຕ້ຫົວຂໍ້ໂອກາດໃນການປະກອບອາຊີບຂອງນັກນຽນອາຊີວະຂື້ນ .ໂດຍການເຂົ້າຮ່ວມຂອງທ່ານ ບຸນຄົງ ດວງພະວັນ ຜູ້ອໍານວຍການວິທະຍາໄລເຕັກນິກ-ວິຊາຊິບແບບປະສົມແຂວງຊຽງຂວາງ, ມີທ່ານ ໜູພັນ ອຸດສາ ຫົວໜ້າກົມອາຊີວະສຶກສາ,ມີແຂກຖືກເຊີນຈາກບັນດາພະແນກການອ້ອມຂ້າງແຂວງພ້ອມດ້ວຍນັກສຶກສາເຂົ້າຮ່ວມ

  ໃນພິທີທ່ານ ບຸນຄົງ ດວງພະວັນໄດ້ຂື້ນກ່າວເປີດພິທີ ພ້ອມທັງຍົກໃຫ້ເຫັນເຖີ່ງຄວາມສຳຄັນ ແລະ ຈຳເປັນທີ່ຂາດບໍ່ໄດ້ເຊັ່ນການກໍ່ສ້າງແຮງງານທີ່ມີຄວາມຮູ້,ຄວາມສາມາດ,ມີວິໃນ ແລະ ນຳໃຊ້ແຮງງານເຫຼົ່ານັ້ນເຂົ້າໃນການພັດທະນາເສດຖະກິດ-ສັງຄົມ,ວຽກງານອາຊີວະບໍ່ພຽງແຕ່ເປັນບ່ອນກໍ່ສ້າງກຳລັງແຮງງານເທົ່ານັ້ນ ຍັງເປັນແຫຼ່ງກໍາເນີດຄວາມຮູ້ໃໝ່, ສົ່ງເສີມພູມປັນຍາຊາວບ້ານທີ່ຕິດພັນກັບການດຳລົງຊິວິດຂອງປະຊາຊົນ,ຕິດພັນກັບການຜະລິດ ແລະ ປະດິດສ້າງສິ່ງໃໝ່ໆ ອອກຮັບໃຊ້ສັງຄົມ.

  ການຈັດງານຄັ້ງນີ້ຍັງເປັນກາດເປີດໂອກາດໃຫ້ນັກສຶກສາທີ່ຮຽນຈົບ ຫຼື ກໍາລັງຮຽນສາຍສາມັນ, ວິຊາຊີບກໍ່ດີເມືອໄດ້ຟັງການແລກປ່ຽນປະສົບການວຽກງານອາຊີວະສຶກສາກ່ຽວກັບໂອກາດໃນການປະກອບອາຊີບນີ້ຈະຊ່ວຍໃຫ້ເກີດມີແນວຄິດແລະຈິນຕະນາການກ່ຽວກັບຄວາມຫຼາກຫຼາຍຂອງການປະກອບອາຊີບໃຫ້ແກ່ນ້ອງໆ ເປັນການເປີດປະຕູສູ່ອານາຄົດທີ່ແຈ້ງໃສ່ ໂດຍທີ່ທຸກຄົນບໍ່ຈຳເປັນຕ້ອງຍຶດຕິດກັບທັດສະນະຄະຕິແບບເດີມໆຕ້ອງຮຽນສູງໆ ຫຼື ຮຽນຈົບຈາກຕ່າງປະເທດຈີ່ງຈະສາມາດປະກອບອາຊີບໄດ້.

 ການແລກປ່ຽນປະສົບການໃນຄັ້ງນີ້ແມ່ນໄດ້ຮູ້ເຖີ່ງຄວາຍໜາຍຂອງຄຳວ່າອາຊີວະສຶກສາແລະ ການພັດທະນາການຮຽນເພື່ອເຮັດໃຫ້ພວກເຮົາມີສີມືແຮງງານທີດີ , ຂໍ້ມູນກ່ຽວກັບໂອກາດໃນການສຶກສາວິຊາຊີບ ,ຄູສອນວິຊາຊີບ, ຫຼັກສູດທີມີໃນປະຈຸບັນຂອງວິທະຍາໄລເຕັກນິກ-ວິຊາຊີບແບບປະສົມ ມີ 4 ພາກວິຊາ, 9ສາຂາອາຊີບ,ແລະ ທຶນການສຶກສາ, ນະໂຍບາຍຂອງວິທະຍາໄລ-ວິຊາຊີບຕໍ່ຜູ່ທຸກຍາກ, ໂອກາດການປະກອບອາຊີບໃນຂະແໜງການທ່ອງທ່ຽວ ແລະ ໂຮງແຮມຫຼັງການເປີດປະເທດ, ການລິເລີ່ມເຮັດທຸລະກິດສຳລັບຄົນລຸ້ນໃໝ່, ໂອກາດການການປະກອບອາຊີບໃນຂະແໜງການກະສິກຳ,ການສົ່ງເສີມຫົວໜ່ວຍທຸລະກິດຈຸນລະວິສາຫະກິດໃຫ້ເຂົ້າເຖີ່ງຕະຫຼາດ,ການປະກອບອາຊີບຂອງຊາວໝຸ່ມທີ່ດ້ອຍໂອກາດໂດຍຜ່ານວົງຈອນໃຫ້ຄຳປຶກສາການຊອກວຽກເຮັດງານທຳ.

 ການແລກປ່ຽນປະສົບການໃນຄັ້ງນີ້ ໄດ້ມີການສົນທະນາແລກປຽ່ນຄວາມຮູ້ນຳກັນເພື່ຶອພັດທະນາການຮຽນ-ການສອນໃນອາຊີວະສຶກສາໃຫ້ໄດ້ຮັບການພັດທະນາດີຂີື້ນເປັນກ້າວໆ. ຈຸດປະສົ່ງກໍ່ເພື່ອເຮັດໃຫ້ນັກຮຽນທີ່ສຶກສາຢູ່ໃນວິທະຍາໄລເຕັກນິກ-ວິຊາຊີບຮູ້ເຖີ່ງຄວາມໜາຍຄວາມສຳຄັນຂອງການພັດທະນາຄວາມຮູ້ຂອງຕົນ ແລະ ສາມາດນຳບົດຮຽນທີ່ຮຽນມາ ຫຼື ເນື້ອໃນການແລກປ່ຽນປະສົບການວຽກງານອາຊີວະສຶກສາໃນຄັ້ງນີ້ໄປປະກອບອາຊີບໃນການຊອກຢູ່ຫາກິນໃນການດຳລົງຊີວິດໃນສັງຄົມໃຫ້ຫຼຸດພົ້ນອອກຈາກຄວາມທຸກຍາກ.

 ຈາກນັ້ນບັນດາທ່ານກໍ່ໄດ້ຊົມງານວາງສະແດງຜົນງານ ແລະ ຈໍາໜ່າຍຜະລິດຕະພັນ  ຂອງນັກສຶກສາໃນ 4 ພາກວິຊາ ແລະ 9 ສາຂາອາຊີບຄື ສາຂາການອາຫານແລະໂຮງແຮມ, ສາຂາຕັດຫິຍບ, ສາຂາຊ່າງໄມ້, ສາຂາກໍ່ສ້າງເຄຫະສະຖານ, ສາຂາສ້ອມແປງທົ່ວໄປ, ສາຂາໄຟຟ້າເຕັກນິກ, ສາຂາປຸງແຕ່ງ, ສາຂາປູກຝັງ,ສາຂາລ້ຽງສັດ ລວມມີ 45 ຮ້ານ,ພິເສດພາຍໃນງານຍັງມີບໍລິການຕັດຜົມຊາຍ-ຍິງ ແລະ ເສີມສວຍຟີຣ.ງານແລກປ່ຽນປະສົບການ ແລະ ການວາງສະແດງຜົນງານຂອງຮຽນອາຊີວະສຶກສາໃນຄັ້ງໄດ້ສ້າງຄວາມປະທັບໃຈໃຫ້ແກ່ແຂກທີເຂົ້າມາທ່ຽວຊົມ.

Latest from admin

Login to post comments

ຄົ້ນຫາ

ປະຕິທິນ

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31