ເຕັກນິກ-ວິຊາຊີບ ແຂວງຊຽງຂວາງ ມີຄວາມພ້ອມແລ້ວ 90% ທີ່ຈະເປີດປ້າຍເປັນວິທະຍາໄລໃນເດືອນພະຈິກນີ້

29 October 2020 Written by ຂ່າວສານ 598
Rate this item
(0 votes)

ຕາມການລາຍງານຂອງ ທ່ານ ບຸນຄົງ ດວງພະວັນ ຜູ້ອໍານວຍການໂຮງຮຽນ​ເຕັກນິກ-ວິຊາ​ຊີບ ​ແບບ​ປະສົມ ​ແຂວງຊຽງ​ຂວາງໃຫ້ຮູ້ວ່າ: ມາ​ຮອດ​ປະຈຸ​ບັນ​ທາງ​ໂຮງຮຽນ​ມີ​ຄວາມ​ພ້ອມ​ແລ້ວ 90%  ທີ່​ຈະຍົກສະຖານະເປີດປ້າຍມາ​ເປັນວິທະຍາໄລ ເຕັກນິກ-ວິຊາ​ຊີບ ​ແບບ​ປະສົມ​ແຂວງຊຽງ​ຂວາງ ​ເຊິ່ງຈະຈັດຂຶ້ນ​ເປັນ​ທາງ​ການໃນເດືອນພະຈິກ ທີ່ຈະມາ​ເຖິງນີ້, ​ເປັນ​ຕົ້ນ​ແມ່ນ​ໄດ້ຫ້າງ​ຫາກະກຽມ​ດ້ານງົບປະ ມານຮັບໃຊ້ ​ແລະ ປັບປຸງພື້ນຖານໂຄງລ່າງດ້ານ​ຕ່າງໆ​ສໍາ​ເລັດ​ໂດຍ​ພື້ນຖານ.

 ສໍາລັບການກະກຽມທາງດ້ານເນື້ອໃນ ທ່ານ ບຸນຄົງ ດວງພະວັນ ​ໄດ້​ລາຍ​ງານ​ວ່າ: ​ໄດ້ສະເໜີຂໍ ທິດຊີ້ນໍາຈາກກົມອາຊີວະສຶກສາ ກະຊວງສຶກສາທິການ ແລະ ກິລາ ​ກ່ຽວກັບໂຄງຮ່າງການຈັດຕັ້ງຂອງວິທະຍາໄລ, ປັບປຸງໂລໂກ໊ ແລະ ແຜ່ນປ້າຍວິທະຍາໄລ ປະຈຸ​ບັນສໍາເລັດ​ແລ້ວ 100%, ສະເໜີຂໍປ່ຽນກາປະທັບວຽກພັກ ແລະ ລັດສໍາເລັດ 80%, ສະເໜີຂໍປັບປຸງກົງຈັກການຈັດຕັ້ງລະດັບຄະນະອໍານວຍການວິທະຍາໄລໄດ້ 30%, ສໍາລັບການກະກຽມເອກະສານດ້ານຕ່າງໆເພື່ອນໍາສະເໜີຕໍ່ທີ່ພິທີ​ໃນມື້ເປີດປ້າຍເປັນທາງການແມ່ນສໍາເລັດແລ້ວ 60%,   ວຽກການປັບປຸງສ້ອມແປງພື້ນຖານໂຄງລ່າງໄດ້ແກ່ ເທເບຕົ່ງຝາປິດຮ່ອງລະບາຍນໍ້າຕໍ່ໜ້າຫ້ອງອາຫານ, ເທເບຕົ່ງ ແລະ ກໍ່ໜານດອກໄມ້ຕໍ່ໜ້າທາງເຂົ້າປະຕູ​ໂຂງ​ໂຮງຮຽນ, ປັບປຸງສວນດອກໄມ້ຕໍ່ໜ້າຫ້ອງອາຫານ,ໂຮງແຮມ, ສວນນໍ້າພຸ, ສໍາເລັດ 100%, ສ້າງແຄນຈໍາລອງ, ປັບປຸງສວນຕໍ່ໜ້າໂຮງຊ່າງໄຟຟ້າສໍາເລັດ 90%, ສ້າງແທ່ນນໍ້າຕົກຕາດຈໍາລອງໄດ້ 95% ​ແລະ ສ້າງແຜ່ນປ້າຍວິທະຍາໄລສໍາ​ເລັດ​ແລ້ວ 50%, ຄາດ​ວ່າ​ມື້​ເປີດ​ປ້າຍ​​ເປັນ​ວິທະຍາ​ໄລທາງ​ການ​ໜ້າ​ວຽກ​ຕ່າງໆ​ທີ່​ປິ່ນ​ອ້ອມ​ຈະ​ໃຫ້​ສໍາ​ເລັດ 100%.

 ທ່ານ ບຸນຄົງ ດວງພະວັນ ຍັງໄດ້ຮຽກຮ້ອງມາຍັງພະນັກງານຄູ-ອາຈານ ແລະ ນັກຮຽນຈົ່ງພ້ອມກັນສືບຕໍ່ສ້າງຂະບວນການຕ່າງໆ​ໃຫ້​ເປັນ​ຂະ​ບວນຟົດ​ຟື້ນກ້ວາງ​ຂວາງຫຼາຍ​ຂຶ້ນ​ຕື່ມ, ເພື່ອເຮັດແນວໃດໃຫ້ມື້​ເປີດພິທີເປັນວິທະຍາໄລ ເຕັກນິກ-ວິຊາ​ຊີບ ​ແບບ​ປະສົມ​ແຂວງຊຽງ​ຂວາງ ມີ​ຄວາມ​ລາບ​ລື່ນ ​ແລະ ມີ​ຜົນ​ສໍາ​ເລັດ​ຢ່າງ​ຈົບງາມ.

Login to post comments

ຄົ້ນຫາ

ປະຕິທິນ

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31