ກອງປະຊຸມຖອດ​ຖອນ​ບົດຮຽນ​ການ​ຮ່ວມມື​ທາງ​ດ້ານ​ວິຊາ​ການ ( MOU.)

18 October 2018 Written by ຂ່າວສານ 539
Rate this item
(0 votes)

ໃນຕອນ​​ເຊົ້າຂອງວັນທີ 3 ສິງຫາ 2017 ຢູ່ທີ່ຫ້ອງປະຊຸມ​ໂຮງຮຽນ​ເຕັກນິກ-ວິຊາ​ຊີບ​ແບບ​ປະສົມ​ແຂວງ​ຊຽງຂວາງ.​ໃດ້​ເປີດ​ກອງ​ປະຊຸມ​ຖອດ​ຖອນ​ບົດຮຽນ​ການ​ຮ່ວມ​ມືທາງ​ດ້ານ​ວິຊາ​ການ​ ລະຫວ່າງ ວິທະຍາ​ໄລ​ກະສິກຳ-ປ່າ​ໄມ້​ ແຂວງ​ບໍລິ​ຄຳ​ໄຊ ກັບ ໂຮງຮຽນເຕັກ-ວິຊາຊີບແບບປະສົມແຂວງ​ຊຽງຂວາງ ໂດຍ​ການ​ເປັນ​ປະທານຮ່ວມ​ຂອງ ​ທ່ານ ສົມ​ສະຫວາດ ຊົມ​ຄຳ​ນິລັນດອນ ອຳນວຍ​ການ​ວິທະຍາ​ໄລ ​ແລະ ທ່ານ ທອງ​ສະຫວັນ ວິຣະຈິດ ຮອງ​ອຳນວຍ​ການ​ໂຮງຮຽນ ​ໂດຍ​ການ​ເປັນກຽດ​ເຂົ້າ​ຮ່ວມຂອງ​ຄະນະ​ອຳນວຍ​ການ​, ຄູ-ອາຈາ​ນ​ ຈາກ​ສອງ​ສະ​ຖາ​ບັນ​​ເຂົ້າ​ຮ່ວມ​ທັງ​ໝົດ 46 ຄົນ​.

​ໃນ​ພິທີ​ ທ່ານ ທອງ​ສະຫວັນ ວິຣະຈິດ ​ໄດ້​ຂື້ນ​ກ່າວ​ຄຳ​ຄິດ​ເຫັນ​ຕ້ອນຮັບ​ແຂກ​ພ້ອມ​ທັງ​ກ່າວ​ເປີດ​ພິທີ​ຢ່າງ​ເປັນ​ທາງ​ການ​ພ້ອມ​ທັງ​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ວຽກງານ​ການ​ຮ່ວມ​ມື​ກັນໃນ​ໄລຍະ​ຜ່ານ​ມາພ້ອມ​ທັງ​ຜ່ານ​ທິດ​ທາງ​ແຜນການ​ຮ່ວມ​ມື​​ໃນ​ໄລຍະ​ຕໍ່​ໄປ ພາຍ​ຫຼັງ​ສຳ​ເລັດ​ການ​ຜ່ານ​ບົດ​ສະຫຼຸບ ​ແລະ ​ແຜນການ​ແລ້ວ​ຜູ້​ເຂົ້າ​ຮ່ວມ​ກອງ​ປະຊຸມຍັງ​ໃດ້ມີ​ການ​ຄົ້ນຄວ້າປຶກສາ​ຫາ​ລືກັນ​ຢ່າງ​ກົງ​ໄປ​ກົງ​ມາເຖິງ​ບັນຫາ​ທີ່​ຍັງ​ຄົງ​ຄ້າງ​ບາງ​ໜ້າ​ວຽກທີ່​​ເຫັນ​ວ່າຈັດ​ຕັ້ງ​ປະຕິບັດ​ຍັງ​ບໍ່​ທັນ​​ໃດ້​ດີ​​​ເທົ່າ​ທີ່ຄວນໂດຍ​ສະ​ເພາະ​ແມ່ນ​ການ​ປະ ສານ​ສົມທົບ​ແລກ ປ່ຽນບົດຮຽນ​ທາງ​ດ້ານ​ວິຊາ​ການ​ເຊິ່ງກັນ ​ແລະ ກັນ ພ້ອມ​ກັນ​ປັບປຸງ​ແກ້​ໄຂ​ບັນຫາ​ຕ່າງໆ​ທີ່​ເກີດ​ຂື້ນ​ກັບບັນດາ ກິດຈະ​ກຳ​ຕ່າງໆທີ່​ພວມ​ຈັດ​ຕັ້ງ​ປະຕິບັດ​ຢູ່​ເພື່ອ​ເຮັດ​ແນວ​ໃດ​ໃຫ້​​ເກີດ​ຜົນ​ປະ​ໂຫຍ​ດ​ແກ່​ທັງ​ສອງ​ຝ່າຍ ພ້ອມ​ກັນ​ກຳນົດ​ເອົາ​ບັນດາ​ກິດຈະກຳ​ທີ່​ຈະ​ຈັດ​ຕັ້ງ​ປະຕິບັດ​ໃນ​ຕໍ່ໜ້າ​ໃຫ້​ເປັນອັນ​ລະອຽດກວ່າ​ເກົ່າຕື່ມ ​ໂດຍ​ສະ​ເພາະ​ແລ້ວ​ແມ່ນ​ການ​ແລກປ່ຽນທາງ​ການ​ຕຳລາ​ການ​ຮຽນ-ການ​ສອນ, ຫຼັກສູດ​ການ​ຮຽນ​ສາຂາ​ວິຊາ​ສັດຕະວະ​ແພດ​ທີ່​ທາງ​ວິທະຍາ​ໄລ​ໄດ້​ເປີດ​ສອນ​ແລ້ວ​ ພາຍຫຼັງ​ສຳ​ເລັດ​ພິທີ​ທາງ​ການ​ແລ້ວ​ຜູ້​ເຂົ້າ​ຮ່ວກອງ​ປະຊຸມ​ຍັງໃດ້ທ່ຽວຊົມ​ບັນດາ​ກິດຈະກຳ​ຕ່າງໆ​ພາຍ​ໃນ​ໂຮງຮຽນ. ມາ​ໃນ​ຕອນ​ແລງ​ຂອງ​ວັນ​ດຽວກັນ​ກໍ່​ໄດ້​ມີ​ການ​ຫຼິ້ນ​ກິລາ​ກບານ​ເຕະ ​ແລ​ະ ​ເປ​ຕັ່ງ​ເພື່ອ​ຮັດ​ແໜ້ນ​ຄວາມ​ສາ​ມັກ​ຄີ​ລະຫວ່າງ​ຄູ-ອາຈານ​ທັງ​ສອງ​ພາກສ່ວນ. ​ພິທີ​ດັ່ງກ່າວ​ແມ່ນ​ໃດ້ປິດ​ລົງ​ໃນ​ຕອນ​ແລງຂອງ​ວັນ​ດຽວກັນ.

Login to post comments

ຄົ້ນຫາ

ປະຕິທິນ

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30