ພິທີມອບໃບປະກາດສະນິຍະບັດນັກຮຽນຊັ້ນກາງລຸ້ນທີ XVI ແລະ ຊັ້ນສູງລຸ້ນ XI ປະຈໍາສົກຮຽນ 2021-2022

Rate this item
(0 votes)

ໃນ​ຕອນ​ເຊົ້າ​ຂອງ​ວັນ​ທີ 05 ສິງຫາ  2022 ນີ້,  ທີ່​ຫ້ອງ​ປະຊຸມ​ຂອງ​ວິທະຍາໄລ​ເຕັກນິກ-ວິຊາ​ຊີບ​ແບບ​ປະສົມ​ແຂວງ​ຊຽງຂວາງ​ໄດ້​ຈັດ​ພິທີ​ມອບໃບປະກາດສະນິຍະບັດນັກຮຽນ​ຊັ້ນ​ກາງ​ລຸ້ນທີ XVI  ​ແລະ ຊັ້ນ​ສູງ​ລຸ້ນທີ XI ຂຶ້ນ​ຢ່າງ​ເປັນ​ທາງ​ການ, ​ພາຍ​​ໃຕ້​ການ​ເປັນ​ປະທານ​ຂອງ​ທ່ານ ສຸພັດ ຄ່າຍຄໍາ ຮອງຜູ້​ອຳນວຍ​ການ​ວິທະຍາໄລ ​ພ້ອມ​ດ້ວຍ​ຄູ-ອາຈານ​ຕະຫຼອດ​ຮອດນ້ອງ​ນັກຮຽນ​ທີ່​ຮຽນ​ຈົບລຸ້ນດັ່ງກ່າວ​ເຂົ້າ​ຮ່ວມນໍາ.​

ໃນ​ພິທີ​ທ່ານ ​ວັນສົມ ວິລິວົງ ໄດ້​​​ໃຫ້​ກຽດຂຶ້ນ​ຜ່ານ​ບົດ​ສະຫຼຸບ​ການ​ກໍ່ສ້າງ​ນັກຮຽນ​ຊັ້ນ​ກາງ​ລຸ້ນທີ XVI ​ແລະ ຊັ້ນ​ສູງ​ລຸ້ນທີ  XI ​ເຊິ່ງລວມມີນັກຮຽນ​ທີ່​ຮຽນ​ຈົບ​ທັງ​ໝົດ 299, ຍິງ 71 ຄົນ​,​ໃນ​ນັ້ນ​ຊັ້ນ​ສູງ​ປະກອບ​ມີ 27,ຍິງ 04 ຄົນ ​ແລະ ຊັ້ນ​ກາງ 272, ຍິງ 67 ຄົນ, ​ທ່ານ ສຸພັດ ຄ່າຍຄໍາ ​ຍັງ​ໄດ້​ຍົກ​​ໃຫ້​ເຫັນ​ເຖິງ​ຈຸດ​ດີ​ບາງ​ດ້ານ​ທີ່​ພົ້ນ​ເດັ່ນ​​ໃນ​ການ​ປະຕິບັດ​ການ​ຮຽນ-ການ​ສອນ ຂອງ​ຄູ​ອາຈານ ​ແລະ ນັກຮຽນ ​ໃນ​ໄລຍະ​ຜ່ານ​ມາ, ​ໂດຍ​ສະ​ເພາະ​ກໍແມ່ນ​ການ​ສ້າງ​​ໃຫ້​ນັກຮຽນ ​ມີ​ທັກ​ສະສີ​ມື​​ດີໃນ​ການ​ນຳ​ໄປ​ປະກອບ​ອາຊີບ​ໄດ້ຢ່າງ​ມີ​ປະສິດທິພາບ​ເພື່ອ​ພັດທະນາ​ຊີວິດ​ການ​ເປັນ​ຢູ່​ຂອງ​​ເຂົາ​ເຈົ້າໃຫ້​ດີ​ຂຶ້ນ​ເທື່ອ​ລະ​ກ້າວ, ​ທັງ​ເປັນ​ການ​ປະກອບສ່ວນ​ເຂົ້າ​​​ໃນ​ການ​ສ້າງສາ​ພັດທະນາ​ປະ​ເທດ​ຊາດ ​​ໃຫ້​ມີ​ຄວາມ​ຈະ​ເລີ​ນກ້າວໜ້າ, ນອກຈາກ​ນັ້ນ​ ທີ່ພິທີ​ຍັງ​ໄດ້​ມອບ​ໃບ​ຍ້ອງຍໍ​​ໃຫ້​ແກ່​ນັກຮຽນ​ຜູ້​ທີ່​ມີ​ຜົນງານ​ດີ​ເດັ່ນ​​ໃນ​ການ​ສຶກສາ​ຮໍ່າຮຽນ​ຕະຫຼອດ​ໄລຍະ 2, 3 ປີ​ຜ່ານ​ມາ, ເຊິ່ງ​ໃນ​ນັ້ນ ​ປະ​ເພດທີ I ມີ 35,ຍິງ 07 ຄົນ, ປະ​ເພດທີ II ມີ 46,ຍິງ 12 ຄົນ ​ແລະ ຈັດການ​ມອບ​ຢ່າງ​ສົມ​ກຽດ, ​ຂະນະ​ດຽວ​ກັນ ​ທ່ານ​ຮອງຜູ້ອຳນວຍ​ການ​ຍັງ​ໄດ້​ເນັ້ນ​ໜັກ​​ໃຫ້​ນັກຮຽນ​ທຸກ​ຄົນ​ທີ່​ຮຽນ​ຈົບ, ຈົ່ງ​ພ້ອມ​ກັນ​ນຳ​ອົາຄວາມ​ຮູ້​ຄວາມ​ສາມາດ​ທີ່​ຕົນ​ເອງ​ໄດ້​ຮຽນ​ມາ​ໄປໝູນ​ໃຊ້​ເຂົ້າ​ໃນ​ວຽກ​ງານ​ຕົວ​ຈິງ​ໃຫ້​ເກີດ​ດອກ​ອອກ​ຜົນ.

Latest from admin

Login to post comments

ຄົ້ນຫາ

ປະຕິທິນ

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30